Charter Document - 07300019
| Charter Number: | 07300019 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1266 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus audituris has literas vel visuris Gamelinus miseratione divina episcopus sancti Andree salutem in Domino Sciant presentes et futuri nos dedisse ad firmam dilectis in Christo filijs abbati et conventui de Dryburgh illam placiam juxta ecclesiam de Kylrethny ex parte australi quam bone memorie episcopus David eis concessit quando ipse eandem ecclesiam dedicavit et quam ipsi tunc claudi et immorari fecerunt Tenendam eis et habendam de nobis et successoribus nostris inperpetuum cum domibus quas in eadem construi fecerunt libere pacifice et quiete Reddendo inde nobis et successoribus nostris tres solidos annuatim medietatem ad purificationem beate Virginis et aliam medietatem ad assumpcionem ejusdem Virginis pro omni alia exactione consuetudine et demanda In cujus rei testimonium sigillum nostrum apponi fecimus huic scripto Datum apud Inchemurthauch iij nonas Aprilis anno gracie millesimo CCLXVI