Charter Document - 07300018
| Charter Number: | 07300018 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1211 - 1233 |
| Date type: | Assigned |
| Resource Link(s): |
People of Medieval Scotland |
Charter:
Willelmus comes de Buchan omnibus Christi fidelibus has literas visuris vel audituris salutem Sciant presentes et futuri me concessisse et hac carta mea confirmasse Deo et ecclesie sancte Marie de Dryburgh et canonicis ibidem Deo servientibus et divine caritatis intuitu consensu et assensu uxoris mee Margarete comitisse de Bouchan donacionem illam quam pie memorie Adam comitissa eisdem canonicis fecit super ecclesia de Kilrethny cum omnibus pertinentijs suis Tenendam et habendam inperpetuum pro anima domini mei Willelmi regis Scottorum et pro anima prefate Adam comitisse matris ejusdem regis et salute anime mee et uxoris mee et liberorum meorum et pro animabus omnium antecessorum et successorum meorum in liberam puram et perpetuam elemosinam ita libere et quiete plenaria et honorifice per omnia sicut in carta memorate comitisse plenius continetur et sicut carta regis Willelmi ipsis canonicis testatur et confirmat Quare volo ut jam dicti canonici teneant et possideant prenominatam ecclesiam cum omnibus pertinentijs et libertatibus suis inperpetuum bene pace pro me et heredibus meis et omnibus hominibus ita libere quiete et plenaria et honorifice sicut aliqua elemosina vel aliquod ecclesiasticum beneficium in regno Scocie liberius quietius plenius et honorificentius tenetur et possidetur Testibus []