Charter Document - 07300013
| Charter Number: | 07300013 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1268 - 1290 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Dornogilla de Galwithya domina de Balliolo filia et heres domini Alani de Galwithya quondam Scottorum constabularij salutem in Domino Noveritis nos in nostra viduitate et legitima potestate dedisse concessisse omnino quietum clamasse et hac carta mea confirmasse pro nobis et heredibus nostris Deo et beate Marie et sancto Johanni evangeliste de Dryburgh et canonicis ibidem Deo servientibus inperpetuumque servituris totum jus patronatus ecclesie de Laweder pro salute nostra et domini Johannis de Balliolo mariti nostri et domini Alani de Galwythya patris nostri et omnium antecessorum et successorum nostrorum in puram et perpetuam elemosinam ita quiete et plenaria sicut aliquod jus patronatus ecclesie in regno Scocie liberius quietius et plenius datur et possidetur Nos vero et heredes nostri dictum jus patronatus dictis religiosis contra omnes homines warantizabimus inperpetuum et defendemus In cujus rei testimonium presenti scripto sigillum nostrum apposuimus Testibus []