Charter Document - 07300012
| Charter Number: | 07300012 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Resignation |
| Date: | 1268 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Johannes de Balliolo salutem Noverit universitas vestra nos resignasse et quietum clamasse pro nobis et Derwogilla sponsa nostra et pro heredibus nostris in perpetuum abbati et conventui de Dryburgh Premonstratensis ordinis totum jus et clamium quod habuimus vel habere poterimus super jure patronatus ecclesie de Laweder Sancti Andree dioecesis quantum ad nos pertinet Quare volumus et concedimus pro nobis et dicta sponsa nostra et pro heredibus nostris ut dicti abbas et conventus dictam ecclesiam in perpetuum libere et pacifice habeant et possideant pro sex capellanis specialiter divina celebrantibus pro animabus nostris et pro animabus omnium antecessorum et successorum nostrorum secundum tenorem scriptorum que dicti abbas et conuentus inde nobis fecerunt et sciendum si aliqua instrumenta inueniantur penes nos vel dictam sponsam nostram seu aliquem heredum nostrorum que dictis abbati et conventui poterunt nocere super dicta ecclesia volumus et concedimus pro nobis et dicta sponsa nostra et pro heredibus nostris ut ipsa instrumenta nullius sint momenti vel valoris In cujus rei testimonium et robur perpetuum presenti scripto sigillum nostrum apposuimus