Charter Document - 07300008
| Charter Number: | 07300008 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1162 - 1165 |
| Date type: | Assigned |
| Resource Link(s): |
People of Medieval Scotland |
Charter:
Ricardus de Morevilla constabularius regis Scottorum omnibus amicis et probis hominibus suis salutem Sciant tam posteri quam presentes me dedisse et hac mea carta confirmasse Deo et ecclesie beate Marie de Dryburgh et fratribus ibidem Deo servientibus ecclesiam de Saweltone cum plenaria carucata terre et omnibus ad eandem ecclesiam pertinentibus post decessum Roberti Clerici in perpetuam elemosinam Preterea concedo confirmo eidem ecclesie donationes patris mei quas secum eisdem fratribus dedit scilicet ecclesiam de Childenchirch cum omnibus illis pertinentibus cum quibus Godefridus presbiter eam tenuit die qua pater meus canonicalem habitum sumpsit et piscationes patris mei de Berwyk quas illis dedit et decimam molendinorum meorum de Lawedre et de Saweltone in perpetuam elemosinam pro salute anime mee et anima patris mei et matris mee et antecessorum et successorum meorum ita libere et quiete sicut aliqua elemosina potest liberius et quiecius concedi et teneri Testibus []