Charter Document - 07300006
| Charter Number: | 07300006 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1153 - 1165 |
| Date type: | Assigned |
| Resource Link(s): |
People of Medieval Scotland |
Charter:
Malcolmus rex Sco[ttorum] episcopis abbatibus comitibus baronibus justitiarijs vicecomitibus prepositis ministris et omnibus hominibus probis tocius terre sue clericis et laicis Francis et Anglis salutem Sciant presentes et posteri me concessisse et hac mea carta confirmasse Deo et ecclesie Sancte Marie de Dryburgh et canonicis ibidem Deo servientibus donationes Hugonis de Morevilla et Roberti de Morevilla quas ipsi ecclesie eidem in liberam et perpetuam elemosinam dederunt et cartis suis confirmaverunt scilicet ecclesiam de Childenchirch cum terra ei adjacente et omnibus ad eam juste pertinentibus et ecclesiam de Saweltone cum plenaria carucata terre et omnibus alijs pertinentibus suis post decessum Roberti clerici et decimam molendinorum de Lawedere et de Saltone et piscationes de Berwyk quas idem Hugo possederat Volo itaque et precipio ut predicti fratres canonici prenominatas ecclesias et beneficia ita libere et quiete que plenaria perpetualiter teneant et possideant sicut alique ecclesie aut beneficia liberius et quiecius ab aliqua abbacia tenentur in regno meo Testibus []