Charter Document - 07294005
| Charter Number: | 07294005 |
|---|---|
| Cartulary Title: | Rental book of the Cistercian abbey of Cupar-Angus, with the breviary of the register. Volume 2. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1308 |
| Date type: | Internal, Calendar, Regnal |
| Resource Link(s): |
Reference Document for this Embedded Document |
Charter:
Robertus Dei gratia Rex Scottorum omnibus probis hominibus totius terre sue salutem Sciatis nos dedisse concessisse et hac presenti carta nostra confirmasse in liberam puram et perpetuam elemosinam religiosis viris abbati et conventui de Cupro omnimodas donationes eisdem factas de terra duarum Drymeis cum rectis divisis et pertinentiis suis infra tenementum de Glenbaclach quam habent ex dono Ade de Glenbaclach cum tota communia ejusdem terre quam habent ex dono Eustachij de Retref et confirmatione ejusdem Ade et etiam de terra de Kincreik infra barroniam de Lour cum molendino et alijs pertinentiis et rectis divisis suis et etiam de tota multura ejusdem barronie et etiam duabus acris terre que jacent ex parte boriali aque de Kirbeth inter barronias de Innerichtyn et de Lur cum aduocatione ecclesie de Machyland quas habent ex dono Alexandri de Abernethy militis et etiam de duabus acris terre cum advocatione ecclesie de Fossuib infra comitatum de Strathern quas habent ex dono Gilberti de Haia militis et confirmatione Malesij comitis de Strathern et similiter de terra de Littleport prope Monros cum rectis divisis et pertinentiis suis quam habent ex dono Alexandri de Lindsay et confirmatione Joannis de Kinrose militum et etiam de duabus marcis annui redditus de terra de Adinlesk infra tenementum de [] cum pertinentiis suis quas habent ex dono predicti Joannis una cum toto jure quod in eadem terra habet vel habere poterit quocunque modo et etiam de terris de de Duny et Clair cum rectis divisis suis et pertinentiis suis quas possident ex dono ejusdem Johannis etiam de advocatione ecclesie de Alveld in comitatu Aberdonensi cum tota terra que jacet prope dictam ecclesiam et cum omnibus alijs terris aisiamentis et pertinentiis suis quas habent ex dono Mariore Comitisse Atholie relicte quondam Johannis Comitis Atholie et confirmatione David filij sui primogeniti et heredis et etiam de libero transitu cum bonis et oneribus suis per terras predictorum Alexandri Gilberti Joannis militum Eustachij Ade et Allani Hostiarij et de indulgentia foris facture ipsorum et hominum suorum Tenendis et habendis prefatis abbati et conventui in liberam puram et perpetuam elemosinam adeo libere quiete plenaria honorifice et pacifice cum omnibus justis divisis et pertinentiis suis sicut carte donationum terrarum predictarum cum advocationibus ecclesiarum premissarum libero transitu et indulgentia foris facture et alijs pertinentiis prenominatis viris religiosis ex inde confecte plenius pro portant et testantur In cujus rei testimonium sigillum nostrum precipimus apponi Testibus venerabilibus patribus Willelmo Roberto et Joanne Sancti Andree Glasguensi et Brechinensi episcopis et Alexandro de Mynoris et Gilberto de Haia militibus Apud Dunkeld v die Octobris anno regni nostris iii