Charter Document - 07293003
| Charter Number: | 07293003 |
|---|---|
| Cartulary Title: | Rental book of the Cistercian abbey of Cupar-Angus, with the breviary of the register. Volume 2. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1237 - 1263 |
| Date type: | Assigned |
| Resource Link(s): |
People of Medieval Scotland |
Charter:
Universis Sancte Matris Ecclesie filijs hanc cartam visuris vel audituris Gilbertus de Haia miles dominus de Erroll salutem in Domino Noverit universitas vestra me pro salute anime mee et pro salute animarum omnium antecessorum et successorum meorum dedisse et concessisse et hac presenti carta mea confirmasse pro me heredibus meis et assignatis viris religiosis abbati et conventui de Cupro et eorum hominibus liberum transitum sine impedimento cum bonis suis in terris meis per omnes vias et semitas per quas homines mei transierint Volo etiam et concedo pro me et heredibus meis et assignatis quod si forsitan ipsi vel homines eorum foris fecerint infra terram meam vel amerciati fuerint in curia mea quod ipsorum amerciamenta seu foris facture ijsdem viris religiosis quieta remaneant sine calumnia alicujus vel contradictione ita tamen quod principale delictum secundum visum communium amicorum ex utraque parte dictorum emendatur Ut hec mea donatio concessio et confirmatio firma sit et perpetua presenti scripto sigillum meum feci apponi His testibus venerabilibus patribus Willelmus et Matthaeus Sancti Andree et Dunkeld episcopis religiosis viris Hugone et Henrico Dunfermling et de Scona abbatibus dominis Alexandro de Abernethy Joanne de Inchmartine et Thoma de Haia militibus et multis aliis