Charter Document - 07293002
| Charter Number: | 07293002 |
|---|---|
| Cartulary Title: | Rental book of the Cistercian abbey of Cupar-Angus, with the breviary of the register. Volume 2. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte Matris Ecclesie filiis hanc cartam visuris vel audituris presentibus et futuris David de Haia salutem in Domino Noverit universitas vestra me pro anima pie memorie Regis Willielmi et pro anima Willelmi Haia patris mei et Ethne matris mee et pro salute anime mee et Eve uxoris mee et heredum meorum omniumque antecessorum et successorum meorum voluntateque consensu Gilberti heredis mei dedisse concessisse et hac carta mea confirmasse Deo et ecclesie beate Marie de Cupro et monachis ibidem Deo servientibus unum rete super matricem aquam de Thay ubi melius elegerint et sibi utilius judicaverint quotiescunque et ubicumque cum predicto rete piscari uoluerint inter Lornyn que divisam Randolph de Haia et Hermitagium integre quod Gillemichell quondam hermita tenuit cum tribus acris terre juxta idem hermitagium jacentibus et cum omnibus aisiamentis quibus dictus hermita circa hermitagium usus est et unum ercho ad retractum supra predictam aquam et infra predictos limites ubi sibi magis expedire viderint Salvis piscariis meis scilicet charis meis Hanc autem donationem ego et heredes mei warantizabimus contra omnes homines predictis monachis tenendam de me et heredibus meis in puram et perpetuam elemosinam ita libere quiete plenariaque honorifice sicut aliqua elemosina in regno Scotie liberius quietius plenius et honorificentius aliquibus viris religiosis data tenetur vel possidetur Hiis testibus Roberto et Malcolmo fratribus meis Andree persona de Inchthor Thoma Gibon milite Thoma clerico de Ardinth Baldredo de Lornyn Adam Walleis Adam de Camera et multis aliis