Charter Document - 07282118
| Charter Number: | 07282118 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1203 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum Dei venerabili fratri Dunblanensi episcopo et dilectis filiis de Cupro et Scona abbatibus dioecesis Sancti Andree salutem et apostolicam benedictionem Querimoniam dilectorum filiorum abbatis et canonicorum de Cambuskynneth accepimus continentem quod abbas et monachi de Dunfermeling dioecesis Sancti Andree quasdam decimas ad ecclesiam suam de Eggles pertinentes per violenciam occupatas detinent et reddere contradicunt alia eis dampna et iniurias irrogando ideoque discretioni vestre per apostolica scripta mandamus quatenus partibus conuocatis audiatis hinc inde proposita et quod canonicum fuerit appellatione postposita statuatis facientes quod decreueritis per censuram ecclesiasticam firmiter obseruari testes autem qui fuerint nominati si se gracia odio vel timore subtraxerint per eandem discretionem appellatione remota cogatis veritati testimonium perhibere nullis literis veritati et iusticie preiudicantibus a sede apostolica impetratis quod si non omnes hiis exequendis potueritis interesse tu frater episcope cum eorum altero ea nihilominus exequaris Datum Lateranensi kalendas Aprilis pontificatus nostri anno sexto