Charter Document - 07281116
| Charter Number: | 07281116 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1295 |
| Date type: | Internal, A.D., Calendar |
| Resource Link(s): |
Reference Document for this Embedded Document People of Medieval Scotland |
Charter:
Vniuersis sancte matris ecclesie filiis ad quos presentes littere peruenerint Willelmus miseratione diuina ecclesie Sancti Andree minister humilis salutem gratiam et benedictionem diuinam Pastoralis officii decet solicitudinem gregis sibi commissi statum et merita diligenter perquirere vt sic intime subiectorum suorum ultus agnoscens que singulorum saluti et quieti oportuna nouerit tanquam dispensator domus Domini prouidus singulis caute valeat ministrare cum igitur occasione vicarie ecclesie de Kirketoun prope Striueling nostre dioecesis religiosi viri abbas et conuentus monasterii de Cambuskynneth ad quos dicte ecclesie rectoria noscitur pertinere iam frequenter contra vicarios dicte ecclesie ad eorum presentationem per nos institutos labores sustinuerunt et in eorum detrimentum et grauamen expensas fecerunt litigando nos statu dicti monasterii prout ex iniuncto nobis incumbit officio diligencius perquisito dictum monasterium vltra quam status eiusdem et personarum ibidem Deo famulancium merita requirebant bonorum temporalium subuentione inuenimus indigere vnde nos statum dicti monasterii ali qualiter releuare cupientes vicariam dicte ecclesie cum rectoria eiusdem coadunauimus et dictis abbati et conuentui de gracia nostra speciali dispensando cum eisdem caritatiue de vnanimi consensu et assensu capituli nostri tractatu frequenti ac diligenti super hoc prius habito concessimus vt dictam ecclesiam de Kirketoun monasterio suo vicinam cum omnibus suis pertinenciis integre et plene habeant et inperpetuum possideant in quiete fructus omnes et singulos et obuentiones necnon et decimas tam maiores quam minores ad dictam ecclesiam pertinentes seu quoquomodo pertinere valentes integre plene et pacifice percipiant et in vsus suos proprios pro sue voluntatis arbitrio conuertant vt in hoc ipsorum commoditati pie consulamus pariter et quieti et quod ipsi dicte ecclesie per duos capellanos ydoneos quos ad hoc assumere voluerint honeste faciant deseruiri saluis episcopalibus iuribus et archidiaconatibus in omnibus Volumus eciam quod de procuratione ratione dicte ecclesie nobis debita in dicto monasterio nobis decenter prouideatur vt eorum expensis et tedio graciose parcamus eciam in hac parte In cuius rei testimonium has literas sigillo nostro signatas per quas dictis abbati et conuentui dictam ecclesiam de Kirketoun pleno iure vt premissum est conferimus per quas eciam procurationem ratione dicte ecclesie nobis debitam in dicto suo monasterio singulis annis recipere eisdem concedimus sepe dictis abbati et conuentui concedimus patentes datum apud Falkland decimo septimo kalendas Junii anno gracie millesimo ducentesimo nonagesimo quinto