Charter Document - 07280224
| Charter Number: | 07280224 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1233 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gracia rex Scottorum omnibus probis hominibus totius terre sue clericis et laicis salutem Sciant presentes et futuri nos dedisse concessisse et hac carta nostra confirmasse Deo et beate Marie de Cambuskynneth et canonicis ibidem Deo seruientibus et inperpetuum seruituris viginti cowgall casei percipiendas singulis annis de firma terre nostre de Tulymurthac per manus eius qui pro tempore fuerit vicecomes noster de Striueling pro viginti cuddrinis casei quas percipere consueuerunt de ballia de Striueling ex donatione regis Dauid et ab antecessoribus nostris eisdem canonicis confirmatas sicut plenius continebatur in magna carta eis super hoc confecta Tenendas et habendas dictis canonicis in puram et perpetuam elemosinam adeo libere quiete plenaria et honorifice sicut aliqua elemosina ab aliquibus religiosis viris in tota terra nostra liberius quietius plenius et honorificentius tenetur vel possidetur Quare volumus vt ille qui pro tempore fuerit vice comes noster de Striueling dictis canonicis singulis annis habere faciat viginti cougall casei de firma predicta de Tullymurthac Testibus Andreas episcopo Morauiensi Gilberto episcopo Dunkeldensi Willelmo de Bond[ington] cancellario [Waltero] filio Alani Senescalli iusticiario Scotie Waltero Olifard iusticiario Laudonie Philippo de Moubray Rogero Auenell apud Striueling quinto decimo die Januarii anno regni Domini nostri regis nono decimo