Charter Document - 07280223
| Charter Number: | 07280223 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus totius terre sue tam clericis quam laicis salutem Sciatis nos pro salute anime nostre et pro salute animarum omnium antecessorum et successorum nostrorum regum Scotie dedisse concessisse et hac presenti carta nostra confirmasse Deo et beate Marie de Cambuskynneth abbati et canonicis ibidem Deo seruientibus et inperpetuum seruituris ac sancto Seruano de Tullecultry decem acras terre arabilis infra territorium de Tullicultry videlicet sicut dicta terra se extendit de ecclesia de Tullicultry per semitam in aquilone procedentem versus occidentem vsque ad viam regiam de dicta ecclesia sicut riuulus se extendit et currit in parte orientali vsque ad eandem viam regiam versus meridiem Tenendas et habendas predictis abbati et canonicis et eorum successoribus inperpetuum in puram et perpetuam elemosinam adeo libere quiete plenaria et honorifice cum omnibus libertatibus commoditatibus aisiamentis et iustis pertinenciis suis sicut aliqua elemosina in regno nostro Scotie liberius quietius plenius et honorificentius tenetur et possidetur In cuius rei testimonium presenti carte nostre sigillum nostrum precipimus apponi Testibus Barnardo abbate de Abirbrothok cancellario nostro Jacobo de Douglas Alexandro Senescallo Gilberto de Haya et Roberto de Keith militibus Apud Edinburgh quarto die Marcii anno regni nostri decimo