Charter Document - 07280134
| Charter Number: | 07280134 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 - 1232 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis presentibus et futuris Walterus miseratione diuina ecclesie Glasguensis minister eternam in Domino salutem Nouerit vniuersitas vestra nos pietatis intuitu concessisse et hac carta nostra confirmasse Deo et ecclesie sancte Marie de Striueling et canonicis ibidem Deo seruientibus et seruituris ecclesiam de Kirkintulach cum capellis terris et decimis obuencionibus omnimodis et cum aliis omnibus iustis pertinentiis suis in vsus proprios conuertendis Presentabunt quidem dicti canonici nobis et successoribus nostris capellanos aut clericos ydoneos ad vicariam octo marcarum de alteragio vel de alia certa portione et competenti ipsius ecclesie percipiendarum qui pro tempore eidem ecclesie deseruient et de episcopalibus et de omni onere ad predictam ecclesiam pertinente respondebunt saluo eciam nobis et successoribus nostris iure episcopali in omnibus In cuius rei testimonium presens scriptum sigilli nostri munimine duximus roborandum hiis testibus domino Hugone et domino Adam capellanis nostris magistro Radulpho de Brade domino Beniamyn Roberto cancellario Waltero Andree clericis nostris et multis aliis