Charter Document - 07280126
| Charter Number: | 07280126 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1240 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris decanus et capitulum Dunblanensis ecclesie eternam in Domino salutem Nouerit vniuersitas vestra quod nos inspectis instrumentis collationum et confirmationum venerabilium patrum Symonis Jonathe Abrahe et Osberti quondam episcoporum Dunblanensium necnon et venerabilis patris nostri Clementis Dei gracia eiusdem loci episcopi monasterio ecclesie sancte Marie de Cambuskynneth de consensu cleri Dunblanensis quondam concessarum videlicet super ecclesiis de Kincardin Tulibody et de Tulycultry quas in dioecese Dunblanensi possidet per que idem monasterium obtinuit omnes prouentus et fructus dictarum ecclesiarum sibi in vsus proprios omnimodo conuertendos inperpetuum predictorum venerabilium patrum episcoporum concessiones et confirmationes super memoratis ecclesiis in vsus proprios memorati monasterii libere et plenaria conuertendis vnanimi et solemni voluntate et consensu concessimus et confirmauimus preterea ordinationem que per venerabiles patres Glasgw et Dunkeldensem episcopos auctoritate domini pape inter venerabilem patrem nostrum Clementem episcopum et ecclesiam Dunblanensem ex vna parte et abbatem et conuentum predicti monasterii ex altera super pretaxatis ecclesiis et quarta quam dictus episcopus ab ipsis exigebat facta est de consensu vtriusque partis scilicet quod dicti abbas et conuentus inuenient quatuor marcas annuas vicario qui pro eis deseruiet in ecclesia Dunblanensi et abbas sit canonicus in ecclesia Dunblanensi et eius successores preterea decedente vel recedente magistro Hugone de Boscho qui ecclesiam ipsorum de Tulibody tenet assignabunt alias quatuor marcas in loco certo et competenti de quibus episcopus Dunblanensis et eius successores pro voluntate sua disponent et sic sepe dicti abbas et conuentus a supradicte quarte exactione et vicariorum institutione in supradictis ecclesiis omnino erunt quieti inperpetuum et immunes inspecta vtilitate ecclesie nostre super tali ordinatione vnanimi consensu nostro sicut melius et plenius in autentico super eadem ordinatione pro ipsis confecto continetur ratam et gratam habentes concessimus et confirmauimus et sigilli nostri appositione vna cum manuum nostrarum subscriptione presentem paginam communimus Datum apud Dunblanensem anno gracie millesimo ducentesimo tricesimo nono tercio kalendas Februarii