Charter Document - 07280124
| Charter Number: | 07280124 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 - 1231 |
| Date type: | Assigned |
| Resource Link(s): |
People of Medieval Scotland |
Charter:
Osbertus Dei gracia episcopus Dumblanensis omnibus sancte matris ecclesie filiis in Christo salutem Nouerit vniuersitas vestra nos pietatis intuitu consilio et assensu magistri Gilberti archidiaconi nostri et totius capituli nostri concessisse et hac nostra carta confirmasse abbati et canonicis de Striueling Deo seruientibus et seruituris ecclesias de Kincardin et Tulibody et de Tulicultry cum capellis terris et cum omnibus iustis pertinenciis suis tenendas sibi in liberam et perpetuam elemosinam Nos uero de consilio et assensu clericorum nostrorum eisdem canonicis eorum tenuitati et paupertati compacientes et considerantes predictarum ecclesiarum paupertatem concessimus et hac carta nostra confirmauimus vt omnes prouentus predictarum ecclesiarum in vsus suos proprios pro sue voluntatis arbitrio in fratrum predicte domus de Cambuskynneth sustentacionem libere conuertant Presentabunt autem idem canonici nobis et successoribus nostris capellanos vel clericos vel si maluerint fratres suos proprios qui pro tempore eisdem ecclesiis deseruient nobis vero et successoribus nostris de spiritualibus respondeant ipsis autem de temporalibus reddant rationem saluis episcopalibus vt autem hec nostra concessio futuris temporibus firma rata et inconcussa permaneat eam sigilli nostri et predicti archidiaconi nostri appositione duximus roborandam hiis testibus domino Helias abbate de Sancte Cruce et O eiusdem loci priore domino G[ilberto] archidiacono nostro magistro Hugone de Bosco domino Matheo decano nostro domino Johanne vicario de Tulialwyn Adam fratre nostro Alexandro et Adam et Thome seruitoribus nostris et multis aliis