Charter Document - 07280123
| Charter Number: | 07280123 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1210 - 1225 |
| Date type: | Assigned |
| Resource Link(s): |
People of Medieval Scotland |
Charter:
Abraham Dei gracia episcopus Dunblanensis vniuersis sancte matris ecclesie filiis salutem Sciant presentes et futuri nos concessisse et hac carta nostra confirmasse Deo et ecclesie Sancte Marie de Striueling et canonicis ibidem Deo seruientibus ecclesiam de Tulibody et ecclesiam de Tulicultry et ecclesiam de Kyncardyn cum decimis et oblationibus et omnimodis obuentionibus earum et aliis omnibus iustis pertinenciis suis Tenendas sibi in liberam et perpetuam elemosinam ita libere quiete plenaria et honorifice sicut carte patronorum ipsarum ecclesiarum et confirmationis predecessorum nostrorum testantur et confirmantur et sicut alias ecclesias suas prefati canonici liberius quietius plenius et honorificentius tenent et possident saluo iure nostro episcopali hiis testibus Henrico archidiacono Dunkeldensi Gilberto archidiacono Dunblanensi Willelmus capellano episcopi Bricio capellano de Huctyrcardoner Luca et Johanne clericis nostris Bricio decano W clerico Herueo clerico Henrico archidiacono