Charter Document - 07280115
| Charter Number: | 07280115 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1295 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Willelmus permissione diuina Sancti Andree episcopus dilecto sibi in Cristo decano Cristianitatis de Linlithqw salutem cum benedictione diuina Mandamus vobis sub pena canonica quatenus cum vobis constiterit magistrum Willelmum de Foulis vicarium ecclesie de Kirkis decessisse vel vicarie predicte ecclesie sponte sua cessisse religiosum virum abbatem de Cambuskynneth nomine suo et conuentus ipsius monasterii quibus fructus oblationes et obuentiones ad dictam ecclesiam pertinentes seu quoquomodo pertinere valentes integre et plene percipiendos et in vsus suos proprios conuertendos de gracia nostra speciali concessimus in forma prescripta instituatis in possessionem corporalem eiusdem ecclesie nomine quo supra inducentes eundem institutumque et inductum auctoritate nostra canonice defendatis presentibus penes dictos abbatem et conuentum perpetuo remansuris In cuius rei testimonium has literas nostras vobis mittimus patentes sigillo nostro signatas Datum apud Falkland decimo septimo kalendas Junii anno ab Incarnatione Domini millesimo ducentesimo nonagesimo quinto