Charter Document - 07280111
| Charter Number: | 07280111 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1295 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has literas visuris vel audituris decanus Christianitatis de Linlithqw salutem in Domino sempiternam Cum nobis a venerabili in Cristo patre domino Willelmo Dei gracia Sancti Andree episcopo per litteras suas patentes fuerat precipiendo mandatum vt cum nobis constaret discretum virum magistrum Willelmum de Foulis tunc temporis perpetuum vicarium ecclesie de Kirkis decessisse vel dicte sue vicarie sponte sua cessisse reuerendum patrem in Cristo dominum P[atricium] Dei gracia abbatem de Cambuskynneth nomine suo et conuentus sui quibus dictus reuerendus pater dominus Sancti Andree episcopus dictam ecclesiam de Kirkis cum omni iuris plenitudine et fructus omnes et singulos ad dictam ecclesiam pertinentes seu quoquomodo pertinere valentes percipiendos et in vsus suos proprios pro voluntatis sue arbitrio conuertendos potestate concessa in dicta ecclesia institueremus inductumque auctoritate ordinaria defenderemus constetque nobis per litteras dicti magistri Willelmi sigillo suo vnacum sigillis dicti reuerendi in Christo patris domini P[atricii] Dei gracia abbatis de Cambuskynneth et magistri Nicholai de Balmyll dicti de Sanctoandrea signatas dictum magistrum W[illelmum] dicte sue quondam vicarie sponte sua renunciasse nos iuxta formam mandati nobis directi dictum reuerendum patrem dominum P[atricium] Dei gracia abbatem de Cambuskynneth nomine suo et conuentus sui in dicta ecclesia de Kirkis cum omni iure ad dictam ecclesiam pertinente plenitudine vt premissum est instituimus et in corporalem possessionem quietam et vacantem eundem induximus precipientes sub pena canonica ne quis eundem in dicte ecclesie possessionem nomine quo supra inductum inquietare aut quoquomodo perturbare presumat In cuius rei testimonium sigillum nostrum presentibus litteris est appensum datum apud Cambuskynneth die dominica in crastino sancti Barnabe apostoli anno gracie millesimo ducentesimo nonagesimo quinto