Charter Document - 07280110
| Charter Number: | 07280110 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Dauid permissione diuina ecclesie Sancti Andree minister humilis omnibus Christi fidelibus presens scriptum visuris vel audituris eternam in Domino salutem Nouerit vniuersitas vestra nos dedisse concessisse et hac carta nostra confirmasse Deo et ecclesie Sancti Niniani de Kirketoun nomine dotis terram illam que iacet prope dictam ecclesiam in parte aquilonari inter magnam stratam que se extendit de Striueling vsque Kirketoun et semitam que procedit de illa magna strata et se extendit usque domos episcopi sitas iuxta predictam ecclesiam quare volumus vt predicta ecclesia habeat et possideat dictam terram adeo libere et quiete ab omni seculari exactione sicut aliqua elemosina in tota dioecese nostra ab aliquibus tenetur liberius vel quiecius possidetur In cuius rei testimonium presenti scripto sigillum nostrum apponi fecimus hiis testibus magistro Hugone de Meleburne Alexandro de Sancto Martino Willelmo de Mortuomari Adam de Malcarmes Hugone de Striueling Rogero de Sulebi Gilberto clerico et aliis datum apud Inchemathach anno gracie millesimo ducentesimo quadragesimo secundo die translationis sancti Thome martiris