Charter Document - 07280100
| Charter Number: | 07280100 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1177 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia rex Scot[t]orum episcopis abbatibus comitibus baronibus iusticiariis vicecomitibus prepositis ministris et omnibus probis hominibus suis clericis et laicis salutem Sciant presentes et posteri me concessisse et dedisse et hac mea carta confirmasse Deo et ecclesie Sancte Marie de Striueling et canonicis ibidem Deo seruientibus in liberam et perpetuam elemosinam ecclesiam de Forteuiet post obitum Ricardi sacerdotis cum omnibus iustis pertinenciis suis cum capellis et terris et decimis cum omnibus aysiamentis ad eandem ecclesiam iuste pertinentibus in escambium decimarum placitorum et lucrorum meorum de Striueling et de Striueling schiria et de Calathir pro anima regis Dauid aui mei et Henrici patris mei et Malcolmi fratris mei et ceterorum antecessorum et successorum meorum ita libere et quiete plenaria et honorifice sicut ceteras elemosinas suas liberius et quietius plenius et honorificentius tenent et possident Testibus Waltero de Bidun cancellario Waltero filio Alani dapifero Roberto Auenell Willelmo filio Thoroldi Petro de Striuiling Radulfo de Camera Ricardo filio Hugonis Magistro Johanne de Houeden Rogero clerico Waltero clerico Richardo clerico Magistro Turpino Symone de Liberatione apud Striueling