Charter Document - 07280083
| Charter Number: | 07280083 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1287 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus ad quos presens scriptum peruenerit Adam de Moram salutem Nouerit vniuersitas vestra me dedisse concessisse et hac presenti carta mea confirmasse Richardo de Bikirtoune et heredibus suis vel suis assignatis pro homagio et seruicio suo totas illas terras quas Marninus Forestarius et Patricius Bercarius et filius eiusdem Patricii et Willelmus de Rowe per rectas diuisas et extensas infra villam et extra villam de Dunypais tenuerunt ubicumque iacent cum communi pastura et cum omnibus aisiamentis et libertatibus ad dictam terram pertinentibus exceptis dominiis meis videlicet in pratis pascuis et pasturis in moris mossis et petaris in bosco in stagnis et in ceteris omnibus aisiamentis Tenendas et habendas de me et heredibus meis sibi et heredibus suis vel suis assignatis libere quiete hereditarie bene et in pace Reddendo inde annuatim michi et heredibus meis pro se et heredibus suis vel suis assignatis tres solidos ad duos terminos anni scilicet ad Pentecosten octodecim denarios et ad festum Sancti Martini octodecim denarios pro omni seruicio et demanda seculari Preterea volo et concedo quod dictus Richardus de Bykirtoun et heredes sui vel sui assignati vel eorum homines quicunque pro processu temporis in dictis terris moram fecerint blada sua de prefatis terris proueniencia libere et sine multura ad meum molant molendinum et quod molant post primum bladum quod inuenerint in tremulo cuiuscunque fuerit et ego et heredes mei predictas terras cum omnibus libertatibus et aisiamentis antedictis dicto Ricardo et heredibus suis vel suis assignatis contra omnes homines warantizabimus et defendemus Et vt hec mea donatio firmitatis et stabilitatis robur obtineat presenti scripto sigillum apposui hiis testibus domino Henrico de Haliburtoune domino Johanne de Lambertoune Stephano de Blantyre et multis aliis