Charter Document - 07280082
| Charter Number: | 07280082 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1287 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Adam de Moram miles salutem in Domino Nouerit vniuersitas vestra me constituisse Johannem Clericum domini Hugonis Giffard procuratorem meum ad instituendum et saisinandum plenaria dominum Richardum abbatem de Cambuskynneth et conuentum eiusdem loci in terras quas Marninus Forestarius et Patricius Bercarius et filius eiusdem Patricii et Willelmus de Rowe per rectas diuisas suas et extensas infra villam et extra de Dunypais tenuerunt in puram et perpetuam elemosinam et ad tradendum dictis abbati et conuentui nomine meo cartam meam eisdem super donatione mea de predictis terris confectam sicut personaliter interessem gratum et ratum et firmum habens et semper habiturus quicquid predictus Johannes Clericus inde fecerit In cuius rei testimonium presenti scripto sigillum meum apposui