Charter Document - 07280081
| Charter Number: | 07280081 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1287 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Adam de Morham miles salutem eternam in Domino Vniuersitati vestre notum facio quod ego caritatis intuitu et pro salute anime mee et antecessorum meorum et heredum meorum dedi et concessi et presenti carta mea confirmaui Deo et ecclesie Sancte Marie de Cambuskynneth et canonicis ibidem Deo seruientibus et seruituris et eorum successoribus omnes illas terras et totas quas Marninus Forestarius et Patricius Bercarius et filius euisdem Patricii et Willelmus de Rowe per rectas diuisas et extensas infra villam et extra de Dunipais tenuerunt vbicunque iacent cum communi pastura et cum omnibus aisiamentis et libertatibus ad dictam terram pertinentibus et in ceteris omnibus aisiamentis exceptis dominiis meis Tenendas et habendas et possidendas sibi et successoribus suis de me et de heredibus meis iure perpetuo in puram et perpetuam elemosinam libere et quiete bene et honorifice et plenaria ab omni seruicio seculari exactione et demanda et consuetudine Preterea volo et concedo quod dicti canonici et eorum homines quicunque pro processu temporis in dictis terris moram fecerint omnibus prenominatis aisiamentis et libertatibus prenominatis plenaria et pacifice inperpetuum gaudeant et vt molant blada sua de prefatis terris proueniencia libere et sine multura ad meum molendinum et quod molant post primum bladum quod inuenerint in tremulo cuiuscunque fuerit Et ego Adam de Moram et heredes mei predictas terras cum omnibus libertatibus et aisiamentis antedictis canonicis et eorum successoribus contra omnes homines et feminas warantizabimus acquietabimus et defendemus Et vt hec mea donatio pro me et heredibus meis firmitatis et stabilitatis robur obtineat presenti scripto sigillum meum apposui hiis testibus domino Dauid de Grame domino Johanne de Striueling domino Willelmo de Arthe domino Alwyno de Kalenter Stephano de Blantyre Thoma de Dunipais Ricardo de Stikelwe Johanne de Glasgu Johanne filio Alie burgense de Lithqw Henrico clerico burgense de Striueling et multis aliis