Charter Document - 07280079
| Charter Number: | 07280079 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte Matris ecclesie filiis hoc scriptum visuris vel audituris Herbertus filius Herberti de Camera eternam in Domino salutem Sciant tam presentes quam futuri quod ego Herbertus filius Herberti de Camera pro salute anime patris mei et matris mee et pro salute anime mee et sponse mee et pro salute omnium antecessorum meorum et successorum dedi et concessi et hac presenti carta mea confirmaui Deo et ecclesie Sancte Marie de Cambuskynneth et canonicis ibidem Deo seruientibus et seruituris dimidiam carucatam terre in territorio meo de Dunypais cum tofto et crofto in eadem villa mea in competenti loco sito scilicet et duas bouatas terre adiacentes terre ecclesie ex parte orientali et duas bouatas ex altera parte aque iuxta Louchbanc incipientes ad Flores et tendentes versus occidentem Tenendam et possidendam in puram et perpetuam elemosinam cum communi pastura introitu et exitu et cum omnibus aisiamentis ad tantam terram pertinentibus ita libere quiete et honorifice sicut aliqua elemosina liberius quiecius et honorificentius in regno Scotie tenetur et possidetur hiis testibus Johanne de Morham Bernardo Frasar vicecomite de Striueling Malcolmo thane de Kalentyr Johanne Wischart Johanne de Stanhous Thoma clerico fratre eius Adam Franceis Andree preposito de Striueling W filio Jacobi Richardo de Warwic Adam Bonde et multis aliis