Charter Document - 07280074
| Charter Number: | 07280074 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, A.D. |
| Resource Link(s): |
People of Medieval Scotland |
Charter:
Anno ab Incarnatione Domini millesimo ducentesimo quadragesimo septimo ita conuenit de consensu et voluntate capituli Dunkeldensis ecclesie inter venerabilem patrem dominum Galfridum episcopum Dunkeldensem qui nomine ecclesie sue de Forgound decimas petit terre de Duglyn ex vna parte et abbatem et conuentum de Cambuskynneth ex altera qui totam terram de Duglyn in puram et perpetuam elemosinam habent et possident ita videlicet quod dicti abbas et conuentus in monasterio de Cambuskynneth Deo et beate Marie seruientes et inperpetuum seruituri pro omnimodis decimis terre de Duglyn siue propriis sumptibus eam excoluerint siue aliis tradiderint ad firmam integre tam pro maioribus quam pro minoribus exceptis oblacionibus et exequiis mortuorum inperpetuum centum solidos argenti nomine pacis mense domini Episcopi annuatim ad duos terminos persoluent scilicet quinquaginta solidos ad festum Sancti Martini in hieme et quinquaginta solidos ad Pentecosten termino incipiente dicte firme solutionis ad festum Sancti Martini in hieme eiusdem anni et ad maiorem securitatem huius instrumenti et vt robur firmitatis obtineat dictus dominus episcopus ad instanciam dicti abbatis et conuentus sigillum suum vnacum sigillo capituli Dunkeldensis presenti pagine fecit apponi teste eodem capitulo