Charter Document - 07280073
| Charter Number: | 07280073 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Resignation |
| Date: | 1207 - 1219 |
| Date type: | Assigned |
| Resource Link(s): |
People of Medieval Scotland |
Charter:
Seherus de Quinci comes Wintonie omnibus hoc scriptum visuris vel audituris salutem Nouerit vniuersitas vestra Duncanum filium Hamelini et Adam heredem suum quietum clamasse pro se et heredibus suis michi et heredibus meis in plena curia mea apud Locres totum ius quod habuerunt vel habere poterunt in terram de Duglyn et omnes cartas suas quas inde habuerunt michi resignauerunt Et ego concessione et assensu Roberti filii mei coram predicto Duncano et illo eodem Duncano concedente pro se heredibus suis dedi et concessi et hac mea carta confirmaui Deo et ecclesie Sancte Marie de Striueling et canonicis ibidem Deo seruientibus et seruituris totam terram de Duglyn Tenendam de me et heredibus meis in liberam et puram et perpetuam elemosinam per easdem diuisas per quas Nesus filius Willelmi auus meus terram illam tenuit et cum omnibus aliis ad terram illam iuste pertinentibus ita libere et quiete plenaria et honorifice sicut aliqui viri religiosi aliquam elemosinam liberius et quiecius plenius et honorificencius de dono alicuius comitis vel baronis in regno Scotie tenent et possident Et ego predicti Duncani quantum faciam pro tercia parte terre de Duglyn quam tenuerat Et ego et heredes mei totam terram de Duglyn predictis canonicis contra omnes homines warantizabimus testibus Roberto filio Seheri comitis Wintonie Willelmo comite de Salusbiri Roberto filio Walteri Baldewino de Wat Johanne filio comitis de Fyff Willelmo de Vepont Willelmo de Lacraie Willelmo Senescallo Roberto Carnane Duncano filio Hamilini et Tereld cognato suo Ricardo et Willelmo capellanis Willelmo filio Lambur et filio suo Lambur Hugone cementario et Hugone clerico cognato suo Siward de Alweth et filiis suis Siward et Thoma Ricardo Sergant et Roberto Stur et multis aliis