Charter Document - 07280052
| Charter Number: | 07280052 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1166 - 1171 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia Rex Scottorum episcopis abbatibus comitibus justiciis baronibus vicecomitibus ministris et omnibus probis hominibus suis clericis et laicis totius regni sui tam presentibus quam futuris salutem Sciatis me concessisse et hac mea carta confirmasse Deo et ecclesie Sancte Marie de Striueling et canonicis ibidem Deo seruientibus donaciones quas antecessores mei eis in elemosinam dederunt scilicet ex donatione Regis David aui mei terram de Cambuskynneth et piscaturam inter eandem terram et Pollemase et vnum rethe in aqua terram quoque de Colling cum nemore suo ad eandem terram pertinente cum suis rectis diuisis terram eciam de Tulibyene que est inter aquam ejusdem terre et terram de Login quadraginta quoque solidos de redditu meo de Striueling et canum vnius nauis et vnam salinam et tantum terre quantum habet vna de salinis meis et decimam firme de dominiis meis de Striueling et oblationes que in predicta ecclesia oblate fuerint et insulam que est inter Pollemase et Tulliboyene viginti cudermis de caseis redditus mei de Striueling et Katelistune cum suis rectis diuisis et ecclesiam de Clackmanan cum quadraginta acris terre et toftum sacerdotis in eadem villa et asiamenta in bosco et plano et decimas placitorum et lucrorum meorum de Striueling et de Striuelingschire et de Calentyr et vt eorum dominii homines sint quieti de toloneo et de omnibus rectitudinibus et consuetudinibus et vt habeant meam firmam pacem juste vbicunque venerint in tota terra mea et ex donatione regis Malcolmi fratris mei totum molendinum de Clacmanan preter multuram dominice mense mee quotiens ad opus meum molitur contra aduentum meum in eandem villam et preter multuram proprie mense prepositi mei ejusdem ville multuram eciam et sectam prouincie de Clacmannan cum aliis rectitudinibus suis sicut melius et plenarius habebant cum idem molendinum in manu mea tenebam et vnum toftum plenarium in burgo meo de Innerkethin et sexaginta solidos de cano meo de Perth singulis annis habendos et pecuniis abbacie sue communionem pascue vbicunque habuerunt tempore regis Dauid aui mei melius et plenarium volo itaque et firmiter precipio quatenus predicta ecclesia omnes possessiones prenominatas ita libere et quiete possideat sicut aliqua ecclesia in toto regno meo aliquam elemosinam vel possessionem quietius et liberius possidet et vt carte regis Dauid aui mei et Malcolmi regis fratris mei testantur et confirmant Testibus Nicholao Cancellario Johanne Abbate de Kelcho Vualleuo Comite Richardo de Moreuille Waltero filio Alani Dauid Olifer Philippo de Valing Valoniis Roberto Auenell fratre Willelmo de Olepene