Charter Document - 07280049

Omnibus hoc scriptum visuris vel audituris Willelmus de Kynmonde et filius et heres Agnetis filie quondam Willelmi dicti de Ketilistoune salutem in Domino sempiternam Nouerit vniuersitas vestra me in bona sanitate et bona memoria constitutum ac mera voluntate pro salute anime mee et antecessorum et successorum meorum concessisse resignasse et quietum clamasse pro me et heredibus meis inperpetuum totam terram de Badindath cum omnibus juribus libertatibus et pertinenciis suis viris religiosis abbati et conuentui de Cambuskynneth veris dominis dicte terre de Badyndath et totum jus et clameum quod ego seu heredes mei aut quicunque successores habuimus vel habere potuimus seu in posterum habere poterimus in dicta terra ac in totum jus quod habuimus vel habere potuimus seu habere poterimus in futurum in octo marcis quas de ipsis religiosis percipere consueui Quam quidem terram predictus Willelmus auus meus tenuit de dictis abbate et conuentu sibi et vnico tantum heredi Et quia mater mea moriebatur ante predictum Willelmum dictum de Ketylistoune auum meum que mater mea super vixisset heredes dicte terre in vita sua tantum fuisset similiter et dictas octo marcas quas pro tempore suo tantum percipisset ideo dicta terra cum predictis octo marcis michi tanquam vni heredi et vltimo in vita mea tantummodo descendit necnon et totum jus et clameum si quod michi seu heredibus meis aut successoribus quibuscunque competat aut competere poterit in terris de Ketilistoune et de Duglin et de Bynyne vel earum aliqua que omnia sponte et absolute mera voluntate mea pro me et heredibus et successoribus quibuscunque dictis abbati et conuentui inperpetuum quietum clamaui et per fustim et baculum in vigilia Sancti Luce euangeliste in tenemento de Badindath in plena curia dictorum abbatis et conuentus coram multis baronibus ipsis abbati conuentui integraliter resignaui vnacum cartis omnibus et instrumentis et munimentis michi et antecessoribus meis supradictis omnibus et singulis confectis volens et concedens pro me et heredibus meis et successoribus quibuscunque quod dicti religiosi et eorum successores inperpetuum dictas terras omnes et singulas cum omnibus juribus libertatibus aisiamentis et pertinenciis suis habeant tanquam earum veri domini libere teneant et integraliter possideant sine omni calumnia mei vel heredum seu successorum meorum quod quoque sint de cetero liberi et penitus immunes a prestatione et solutione octo marcarum predictarum et cuiuscunque pensionis seu annui redditus per me seu per heredes meos vel successores quoscunque petitis vel petendis Volo eciam et concedo quod si in posterum aliquod instrumentum reperiatur vel ostendatur quod michi vel heredibus seu successoribus meis aliquod jus tribuere videatur in dictis terris vel earum aliqua seu eciam in dicta pensione octo marcarum vel aliqua alia vacuum sit cassum et inane cuiuscunque fuerit tenoris Et si contingat in posterum quod aliqua persona cuiuscunque sexus vel autoritatis seu conditionis in dictis terris vel earum aliqua seu in pensione predicta aliquod jus vendicet vel clameum ratione alicuius instrumenti hactenus confecti seu ratione alicuius concessionis seu collationis facte dicto Willelmo de Ketilistoune auo meo uel alicui persone eum attinenti seu ratione alicuius possessionis vel sasine quod ipse Willelmus in dictis terris vel earum aliqua habuit ego et heredes mei dictos abbatem et conuentum contra omnes tales homines pariter et feminas warantizabimus acquietabimus et defendemus et indempnes omnino conseruabimus volo eciam et concedo pro me et heredibus meis et successoribus quod si contingat in posterum quod si aliquis nostrum vel aliquis nomine nostro in dictis terris seu pensione vel earum aliqua jus vel clameum vendicare presumat quod absit ante litis ingressum soluat fabrice ecclesie Sancti Andree nomine pene ducentas libras sterlingorum alioquin non audiatur coram quocunque judice siue ecclesiastico siue seculari nihilominus rata manente predicta quieta clamatione promittoque fideliter dictis abbati et conuentui qualemcunque securitatem prouidere sciuerint et voluerint cum consilio suo super premissis omnibus et singulis obseruandis quociens voluerint et eis placuerint facere et innouare ad omnia vero et singula premissa pro me et heredibus meis et successoribus fideliter et inuiolabiliter obseruanda me pro me et ipsis heredibus meis et successoribus fide media obligaui et corporale nihilominus tactis sacrosanctis ewangeliis prestiti sacramentum subiciendo me et heredes meos et successores jurisdictioni episcopi Sancti Andree qui pro tempore fuerit vel eius officialis vt ipsi et eorum quilibet qui super hoc fuerit requisitus nos et quemlibet nostrum possint seu possit quociens opus fuerit ad premissorum et singulorum omnium obseruanciam per quamcunque censuram ecclesiasticam monitione premissa compellere renunciando pro me et heredibus meis et successoribus omni cauillationi exceptioni doli mali regie prohibitioni privilegio crucesignatorum et fori constitutioni de duabus dictis edite in consilio generali beneficio diui Adriani et omni impetrationi facte et faciende ac omni juri et facti remedio nobis vel alicui nostrum contra premissa vel [aliquod] premissorum competere valenti In cuius rei testimonium presenti scripto sigillum meum apposui et ad instanciam meam sigillum venerabilis patris Roberti Dei gratia Episcopi Dunblanensis et domini Patricii de Graym vicecomitis de Striueling et domini Johannis de Striueling militis et Willelmi de Striveling fratris vnacum sigillis communitatis de Striueling et Linlithqw sunt appensa Acta in tenemento de Badindath in vigilia Sancti Luce evangeliste anno Domini millesimo ducentesimo octogesimo secundo hiis testibus Richardo de Kaleder tunc constabulario de Striveling Nicholao dicto Tripena domino Johanne de Varia Capella vicario de Stobor Nigello filio Colini Campbell Richardo dicto Prethir burgensi de Striueling Gilcrist Magilmore Gillastop fratre eius Richardo dicto Brimymare de Clacmannan et multis aliis