Charter Document - 07280046
| Charter Number: | 07280046 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1215 - 1216 |
| Date type: | Assigned |
| Resource Link(s): |
People of Medieval Scotland |
Charter:
Willelmus miseratione diuina ecclesie Sancti andree minister humilis vniuersis sancte matris ecclesie filiis has literas visuris vel audituris eternam in Domino salutem Nouerit vniversitas vestra nos diuine caritatis intuitu necnon pro anima inclite recordationis domini Regis Willelmi cujus anime propicietur Deus dedisse et concessisse Deo et abbati de Cambuskynneth et canonicis ibidem Deo seruientibus annuos centum solidos in ecclesia de Blar in puram et perpetuam elemosinam per manum persone eiusdem ecclesie de Blare nomine simplicis beneficii percipiendos scilicet quinquaginta solidos ad Penthecosten et quinquaginta solidos ad festum Sancti Martini Quicunque igitur fuerit persona predicte ecclesie de Blar tactis sacrosanctis iurabit se predictos annuos centum solidos predictis canonicis terminis statutis fideliter soluturum Et vt hec nostra donatio rata et illibata permaneat eam presentis scripti patrocinio cum sigilli nostri munimine roborauimus Hiis testibus Roberto episcopo Rossensi magistro Laurencio archidiacono Sancti Andree magistro Stephano magistro Michaele magistro Roberto de Stichill magistro A[dam] Ouide magistro Petro de Driburgh Symone de Nusy W[illelmo] de Galin Richardo Camerario et aliis multis