Charter Document - 07280040
| Charter Number: | 07280040 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1324 |
| Date type: | Internal, A.D., Calendar |
| Resource Link(s): |
|
Charter:
Uniuersis Sancte matris ecclesie filiis presentes literas inspecturis Johannes de London maior ville Beruici super Tuedam salutem in Domino Cum nobis per fidelem inquisitionem vicinie constitisset religiosos viros abbatem et conuentum de Cambuskynneth pacis temporibus recepisse recipereque debere de quadam terra in villa de Berwico in vico Sancte Marie jacente inter terram quondam Thome de Streminstone ex parte occidentali et terram quondam Willelmi Caldroner ex parte orientali viginti solidos sterlingorum eisdem religiosis legitime in puram et perpetuam liberam datam elemosinam ab antiquo ac mota demum discordia inter dictos religiosos ex parte vna et Jacobum de Colonia tenentem suum de eadem terra ex altera super dicta pensione annua viginti solidorum eiusque arreragiis a cuius pensionis annue solutione aliquibus annis cessatum fuerat ob causam turbationis guerre inter Scotie et Anglie regna mote ipsa dissentionis materia quieuit in hunc modum videlicet cum redditus ipsius terre non modicum diminuti essent propter guerram idemque Jacobus dominus eiusdem terre nomine firme de dicta terra leuare non poterit nisi viginti sex solidos et octo denarios annuatim cuius redditus consueuerunt multo amplius abundare concesserunt idem abbas et conuentus dicto Jacobo et Thome dicto Walker tenenti suo pro se heredibus suis successoribus et assignatis se ad solutionem per fidem obligantibus et predictam terram recipere singulis annis de eadem tres decem solidos et quatuor denarios ad duos anni terminos videlicet medietatem ad festum Sancti Martini in hieme et aliam medietatem ad festum Penthecostes et si contingat redditus et emolumenta ipsius terre eidem Jacobo eius heredibus successoribus vel assignatis excrescere in futurum vltra viginti sex solidos et octo denarios annuatim totius incrementi huiusmodi prefati religiosi habeant partem dimidiam inperpetuum et quicquid possessionis dominii vel juris alterius obuenerit vel obuenire poterit eidem Jacobo suis heredibus successoribus vel assignatis vel eius tenentibus de eadem terra parci arii fiant iidem religiosi cum dicto Jacobo eius heredibus successoribus vel assignatis ac totius juris quod idem Jacobus prius in solidum habebat in eadem terra exnunc idem Jacobus predictis religiosis concessit et donauit vt cum ipso heredibus suis successoribus suis vel assignatis suis sint inperpetuum domini parci ales vt de eisdem religiosis in posterum in parte teneatur sicut de ipso Jacobo prius in solidum tenebatur et bene licebit eisdem religiosis eorumque successoribus et attornatis dictum tenementum quotiens necesse fuerit distringere pro annuo redditu supradicto In cuius rei testimonium parti huius indenture penes predictos religiosos remanenti sigillum dicti Jacobi est appensum et sigillum commune dicte ville Berwici idem Jacobus causa maioris securitatis apponi procuravit alteri vero parti penes dictum Jacobum remanenti predicti religiosi communi sigillum capituli sui apponebant Datum apud Berwicum predictum vicesimo die Octobris anno Domini millesimo tricentesimo vicesimo quarto Testibus Johanne de Londone tunc Maiore de Berwico Willelmo Scherar Egidio de Mindrum Johanne Normand Roberto Wiched tunc balliuis et multis aliis