Charter Document - 07280039
| Charter Number: | 07280039 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1324 |
| Date type: | Internal, A.D. |
| Resource Link(s): |
|
Charter:
Uniuersis sancte matris ecclesie filiis presentes literas inspecturis Johannes de Londone maior Berwici super Tuedam salutem in Domino Cum nobis per fidelem inquisitionem vicinie constitisset religiosos viros abbatem et conuentum de Cambuskynneth annuatim pacis temporibus recepisse recipereque debere de quadam terra in villa de Berwico in vico Sancte Marie jacente inter terram quondam Thome Stremistone ex parte occidentali et terram quondam Willelmi Caldronar ex parte orientali viginti solidos Sterlingorum eisdem religiosis legitime in puram liberam et perpetuam datam elemosinam ab antiquo ac mota demum discordia inter dictos religiosos ex parte vna et Jacobum de Colonia tenentem suum de eadem terra ex altera super dicta pensione annua viginti solidorum ejusque arreragiis a cujus pensionis annue solutione aliquibus annis cessatum fuerat ob causam turbationis guerre inter Scotie et Anglie regna mote ipsa dissentionis causa quieuit in hunc modum videlicet cum redditus ipsius terre non modicum diminuti essent propter guerram idemque Jacobus dominus ejusdem terre nomine firme de dicta terra leuare non poterit nisi viginti sex solidos et octo denarios annuatim cuius redditus consueuerunt multo amplius habundare idem abbas et conuentus huiusmodi diminutionem in reditibus prefate terre considerantes eidem omnia arreragia remiserunt et ab eodem Jacobo et Thoma dicto Walkar tenente suo heredibus suis successoribus suis et assignatis tres decem solidos et quatuor denarios nomine viginti solidorum predictorum ad duos terminos annuatim recipere concesserunt videlicet medietatem ad festum sancti Martini in hieme et aliam medietatem ad festum penthecostes Et si contingat redditus et emolumenta ipsius terre eidem Jacobo eius heredibus successoribus vel assignatis excrescere in futurum vltra viginti sex solidos et octo denarios annuatim totius incrementi huiusmodi prefati religiosi habeant partem dimediam inperpetuum et quicquid possessionis dominii vel juris alterius obuenerit vel obuenire poterit eidem Jacobo suis heredibus successoribus vel assignatis de eadem terra parci arii fiant idem religiosi cum dicto Jacobo eius heredibus successoribus et assignatis ac totius juris quod idem Jacobus prius in solidum habebat in eadem terra ex nunc idem Jacobus predictis dictis religiosis concessit et donauit vt cum ipso heredibus suis successoribus vel assignatis fuit sint inperpetuum domini parci ales vt de eisdem religiosis in posterum in parte teneatur sicut de ipso Jacobo prius in solidum tenebatur et bene licebit eisdem religiosis eorumque successoribus et attornatis dictum tenementum quociens necesse fuerit distringere pro annuo redditu supradicto In cuius rei testimonium parti huius indenture penes predictos religiosos remanenti idem Jacobus sigillum suum apposuit et sigillum commune dicte ville Berwici causa maioris securitatis apponi procurauit alteri vero parti penes dictum Jacobum remanenti predicti religiosi commune sigillum capituli sui apponebant datum apud Beruicum predictum anno Domini millesimo tricentesimo vicesimo quarto Testibus Johanne de London tunc maiore de Berwico Willelmo Scherar Egidio de Mundrum Johanne Normand Roberto Viched tunc balliuis et multis aliis