Charter Document - 07280038
| Charter Number: | 07280038 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1195 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gracia Rex Scottorum omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse Deo et ecclesie Sancte Marie de Striueling et canonicis ibidem Deo seruientibus donationem illam quam Walterus filius Philippi de Lundin eis fecit de quatuor bouatis terre cum vno plenaria tofto in villa de Balcormac cum communi pastura tocius terre sue ita quod vbicunque propria animalia ipsius Walteri siue hominum suorum pascunt habebunt predicti canonici pasturam nominatim ad quingentas oues et ad viginti vaccas et ad unam carucatam boum et ad equos et ad cetera que ad hec pertinent Tenendam sibi de predicto Waltero et heredibus suis in liberam et quietam et perpetuam elemosinam cum propria multura dominii sui libera et quieta ita libere et quiete plenaria et honorifice sicut carta predicti Walteri testatur saluo seruicio meo Testibus comitibus comite Gilleberto Ricardo de Prebenda clerico meo Roberto de Quinci Philippo de Valoniis camerario meo Alexandro vicecomite meo de Striueling Philippo de Lundin Radulpho de Camera Ricardo filio Hugonis apud Striueling