Charter Document - 07280037
| Charter Number: | 07280037 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1216 |
| Date type: | Assigned |
| Resource Link(s): |
People of Medieval Scotland |
Charter:
Thomas filius Walteri de Lundin vniuersis sancte matris ecclesie filiis salutem Sciant presentes et futuri me concessisse et hac carta mea confirmasse Deo et ecclesie Sancte Marie de Striueling et abbati et canonicis ibidem Deo seruientibus quatuor bouatas terre cum plenario tofto in villa de Balcormok et communem pasturam totius terre mee quicunque eam tenuerit vbicunque propria animalia siue hominum meorum pascunt nominatim quingentis ouibus et viginti vaccis et vni carucate boum et equis et ceteris que ad hec pertinent et propriam multuram dominii quietam et tres acras prati sicut pater meus eas perambulauit pro salute anime mee et anime patris mei et pro animabus antecessorum meorum ad tenendum de me et heredibus meis in perpetuam elemosinam in aquis et pascuis ita libere et quiete et honorifice sicut carta predicta patris mei Walteri testatur hiis testibus Philippo de Stichill Dauid de Balcormok Andree de Stradhelm Galfredo de Maleuile Galfrido vicecomite de Karell Edwardo filio Patricii de Steruelin et multis aliis