Charter Document - 07280036
| Charter Number: | 07280036 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1178 - 1179 |
| Date type: | Assigned |
| Resource Link(s): |
People of Medieval Scotland |
Charter:
Walterus filius Philippi de Lundin vniuersis sancte matris ecclesie filiis salutem Sciant presentes et futuri me dedisse et concessisse et hac carta mea confirmasse Deo et ecclesie Sancte Marie de Striueling et abbati et canonicis ibidem Deo seruientibus quatuor bouatas terre cum plenaria tofto in villa de Balcormok et communem pasturam totius terre mee quicunque eam tenuerit vbicunque propria animalia siue hominum meorum pascunt nominatim quingentis ouibus et viginti vaccis et vni carucata boum et equis et ceteris que ad hec pertinent et propriam multuram dominii quietam et tres acras prati sicut eas perambulaui pro salute anime mee et anime patris mei et pro animabus antecessorum meorum ad tenendum de me et heredibus meis in perpetuam elemosinam in aquis et pascuis ita libere et quiete et honorifice sicut aliqua elemosina in tota terra ab omni seruicio seculari liberius et quietius et honorificentius tenetur et possidetur Testibus hiis Johanne abbate de Calcho Reginaldus abbate de Abirbrothok Dunecano comite Michaele clerico Petro de Oppido Willelmo filio Thore Macbeth de Mestrin Patricio filio eius Ace de Sterueling Radulpho presbytero et aliis