Charter Document - 07280034
| Charter Number: | 07280034 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1307 |
| Date type: | Internal, Calendar, Papal |
| Resource Link(s): |
|
Charter:
Clemens episcopus seruus seruorum Dei dilecto filio abbati monasterii de Cambuskynneth ordinis Sancti Augustini Sancti andree dioecesis salutem et apostolicam benedictionem Exhibita nobis tua petitio continebat quod nonnulli monasterii tui canonici et conuersi pro violenti iniectione manuum in se ipsos et quidam pro detentione proprii alii etiam pro denegata tibi et predecessoribus tuis obediencia seu conspirationis offensa in excommunicationis laqueum inciderunt quorum canonicorum quidam diuina celebrarunt officia quidam exceperunt ordines sic ligati Quare super hiis eorum prouidere saluti a nobis humiliter postulasti de tua itaque circumspectione plenam in Domino fiduciam obtinentes discretioni tue presencium auctoritate concedimus vt eosdem excommunicatos hac vice absolutas ab huiusmodi excommunicationis sentenciis iuxta formam ecclesie vice nostra iniungens eis quod de jure fuerit iniungendum prouiso vt manuum injecto res quorum fuerit grauis et enormis excessus mittas ad sedem apostolicam absoluendos cum illis autem ex eisdem canonicis qui facti immemores vel juris ignari absolutionis beneficio non obtento receperunt ordines et diuina officia celebrarunt iniuncta eis pro modo culpe penitencia competenti Eaque peracta liceat tibi de misericordia que superexaltat judicio prout eorum saluti expedire videris dispensare si vero prefati canonici excommunicati scienter talia non tamen in contemptum clavium presumpserunt eis per biennium ab ordinum executione suspensis et imposita illis penitencia salutari eos postmodum si fuerint bone conuersionis et vite ad gratiam dispensationis admittas proprium autem si quod habent dicti canonici et conuersi in tuis facias manibus resignari in vtilitatem dicti monasterii convertendum Datum Pictauie nonis Januarii pontificatus nostri anno tertio