Charter Document - 07280033
| Charter Number: | 07280033 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1306 |
| Date type: | Internal, Calendar, Papal |
| Resource Link(s): |
|
Charter:
Clemens episcopus seruus seruorum Dei venerabili fratri episcopo Glasguensi salutem et apostolicam benedictionem Ad audienciam nostram peruenit quod tam dilecti filii abbas et conventus monasterii de Cambuskynneth ordinis Sancti Augustini Sancti andree dioecesis quam predecessores eorum decimas redditus census terras domos grangias piscarius prata pascua lacus nemora molendina jura jurisdictiones pensiones annuas et quedam alia bona ipsius monasterii datis super hoc literis confectis exinde publicis instrumentis interpositis juramentis factis renunciationibus et penis adiectis in grauem ipsius monasterii lesionem nonnullis clericis et laicis aliquibus eorum ad vitam quibusdam vero ad non modicum tempus et aliis perpetuo ad firmam vel sub censu annuo concesserunt quorum aliqui dicuntur super hiis confirmationis literas in forma communi a sede apostolica impetrasse quia vero nostra interest super hiis de oportuno remedio prouidere fraternitati tue per apostolica scripta mandamus quatenus ea que de bonis ipsius monasterii per concessiones huiusmodi alienata inueneris illicite vel distracta non obstantibus literis instrumentis juramentis et renunciationibus penis et confirmationibus supradictis ad jus et proprietatem eiusdem monasterii legitime reuocare procuratores contradictores per censuram ecclesiasticam appellatione postposita compescendo testes autem qui fuerunt nominati si se gracia odio vel timore subtraxerint censura simili appellatione cessante compellas veritati testimonium perhibere Datum Auinione tertio Kalendas Marcii pontificatus nostri anno secundo