Charter Document - 07280031
| Charter Number: | 07280031 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1201 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum Dei dilectis filiis abbati et conuentui de Cambuskynneth ordinis Sancti Augustini Sancti Andree dioecesis salutem et apostolicam benedictionem Paci ac tranquillitati vestre ac ecclesie vestre ad preces dilecti filii nobilis viri Willelmi de Lindesay et aliorum nunciorum carissimi in Christo filii nostri regis Scotie illustris paterna volentes in posterum sollicitudine prouidere auctoritate vobis presencium indulgemus vt ad receptionem vel prouisionem alicuius in pensionibus seu aliis ecclesiasticis beneficiis compelli auctoritate sedis apostolice minime valeatis absque speciali mandato sedis eiusdem faciente de hac indulgencia mentionem Nulli ergo omnino hominum liceat hanc paginam nostre concessionis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Lugduni sexto Kalendas Augusti pontificatus nostri anno quarto