Charter Document - 07280027
| Charter Number: | 07280027 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1201 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum Dei dilectis filiis abbati et conuentui de Cambuskynneth ordinis Sancti Augustini Sancti Andree dioecesis salutem et apostolicam benedictionem Cum a nobis petitur quod iustum est et honestum tam vigor equitatis quam ordo exigit rationis vt id per sollicitudinem officii nostri ad debitum producatur effectum ea propter dilecti in Domino filii vestris postulationibus inclinati omnes libertates et immunitates a predecessoribus nostris Romanis pontificibus vobis concessas necnon libertates et exemptiones secularium exactionum a regibus et principibus et aliis fidelibus rationibiliter vobis indultas vobis et per vos ecclesie vestre auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Lugdunensi sexto Kalendas Augusti pontificatus nostri anno quarto