Charter Document - 07280026
| Charter Number: | 07280026 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1207 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus seruus seruorum Dei dilectis filiis abbati et canonicis Sancte Marie de Cambuskynneth salutem et apostolicam benedictionem Sacrosancta Romana ecclesia deuotos et humiles filios ex assuete pietatis officio propensius diligere consueuit et ne prauorum hominum molestiis agitentur eos tanquam pia mater sue protectionis munimine confouere Ea propter dilecti in Domino filii vestris iustis postulationibus grato concurrentes assensu personas et ecclesiam vestram in qua diuino estis obsequio mancipati cum omnibus bonis tam ecclesiasticis quam mundanis que inpresenciarum rationabiliter possidetis aut in futurum iustis modis prestante Domino poteritis adipisci sub beati Petri et nostra protectione suscipimus specialiter autem ecclesiam de Kirketoune et ecclesiam de Clacmannan cum capellis decimis terris et omnibus pertinenciis suis quas in proprios vsus vobis asseritis deputatas necnon ecclesiam de Kincletheuin ecclesiam de Tulycultrane ecclesiam de Kincardin ecclesiam de Blare ecclesiam de Glenilef ecclesiam de Alueth ecclesiam de Kirkintulach ecclesiam de Crelyn ecclesiam de Tulebotheuin cum omnibus possessionibus et pertinenciis earundem villam de Cambuskynneth et villam de Ketellestun cum molendino et omnibus pertinenciis ipsarum terram de Collin terram de Carsin et de Badendath cum nemore earundem Tulybotheuin et insulam que dicitur Redinche positam inter Tulybotheuin et Polmase terram que est iuxta ripam de Forth inter Polmilna et viam que descendit de Striuelingth ad naues vnum plenarium toftum in burgo de Striueling et aliud toftum in Linlidchu canum vnius nauis apud Striueling vnum rethe in aqua de Forth viginti cudermis casei de redditu regis apud Striueling vnam salinum et tantum terre quantum habet vna ex salinis regis piscaturos de Carsin et de Tulebotheuin libertates in theloniis et consuetudinibus quas inclite recordationis Dauid et successores eius reges Scotie vobis et hominibus de vestris dominiis concesserunt quadraginta solidos de redditu regis in Striueling piscaturam que est inter Cambuskynneth et Polmase medietatem cereorum sepi et vnctorum totius occisionis regis apud Striueling molendinum de Clakmannan quinquaginta solidos de cano regis apud Perth vnum plenarium toftum in eadem villa et vnum plenarium toftum in burgo de Karel dimidiam carucatam terre cum communi pastura in Petcorthin vnum plenarium toftum in Hadintona vnam marcam argenti in Karel decimas omnium placitorum et lucrorum regis de Striueling et Striuelingschire et de Kalentar decimas firme de dominiis regis de Striuelingschire vnum plenarium toftum in Renfrew et unam piscaturam in aqua eiusdem ville totam terram de Duueglin cum omnibus pertinenciis suis vnam carucatam terre in Byning quatuor bouatas terre de Lundin cum prato et aisiamentis suis vnum toftum in burgo de Aire duas bouatas terre in Donypas et duas bouatas terre in villa de Innirmethin sicut ea iuste et pacifice possidetis vobis et per vos monasterio vestro auctoritate apostolica confirmamus et presentis scripti patrocinio communimus nulli ergo omnino hominum liceat hanc paginam nostre protectionis et confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Lateranensi ii nonas Maii pontificatus nostri anno decimo