Charter Document - 07280024

Alexander Episcopus seruus seruorum Dei dilectis filiis Alfredo abbati ecclesie de Striueling eiusque fratribus tam presentibus quam futuris regularem vitam professis in perpetuum effectum Iusta postulantibus indulgere et vigor equitatis et ordo exigit rationis presertim quando petentium voluntatem et pietas adiuuat et veritas non relinquit Ea propter dilecti in Domino filii vestris iustis postulationibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscepimus et presentis scripti preuilegio communimus statuentes vt quascunque possessiones quecunque bona eadem ecclesia in presentiarum iuste et canonice possidet aut in futurum concessione pontificum largitione regum vel principum oblatione fidelium seu aliis iustis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Ecclesiam de Clacmannan cum quadraginta acris terre toftum sacerdotis in eadem villa et asiamentum in bosco et plano ecclesiam de Egglyge ex dono regis Scottorum villam de Ketilstoun cum suis pertinentiis et decimas omnium placitorum suorum et lucrorum de Striueling et de Striuelingschire et de Calentare vnum toftum in burgo suo de Striueling alium toftum in Lynlinctu et libertates et consuetudines vobis et hominibus vestris ab eodem rege tam in teloniis quam in aliis rationabiliter concessas quinquaginta solidos in cano de Perth molendinum de Clakmannan preter multuram dominice mense regis quociens in eadem villa aduenerit et preter multuram proprie mense prepositi eiusdem ville terram de Cambuskynneth piscaturam inter eandem terram et Polmase et vnum rethe in aqua terram quoque de Collyne cum nemore et suis pertinenciis terram de Tulybethwyne que est inter aquam eiusdem terre et terram de Logyne quadraginta solidos de redditu regis de Striueling et canum vnius nauis vnam salinam et tantum terre quantum habet vna de salinis regis decimam firme de dominiis suis de Striueling insulam que est inter Polmase et Tulibody vnum toftum plenarium in burgo regis de Inuerkething sepulturam quoque ipsius loci liberam esse concedimus vt eorum deuotioni et extreme voluntati qui se illic sepeliri deliberauerint nisi forte excommunicati vel interdicti sint nullus obsistat salua tamen iusticia parrochialium ecclesiarum de quibus mortuorum corpora assumuntur Sane noualium vestrorum que propriis manibus aut sumptibus colitis siue de nutrimentis animalium vestrorum decimas a uobis nullus presumat exigere Obeunte vero te nunc eiusdem loci abbate vel tuorum quolibet successorum nullus ibi qualibet subreptionis astucia seu violencia preponatur nisi quem fratres communi consensu vel fratrum pars sanioris consilii secundum Deum et beati Augustini regulam preuiderint eligendum Decernimus ergo vt nulli omnino hominum liceat prefatam ecclesiam temere perturbare aut eius possessiones auferre vel oblatas retinere minuere seu quibuslibet molestiis fatigare sed omnia integra conseruentur eorum pro quorum gubernatione et sustentatione concessa sunt vsibus omnimodis profutura salua sedis apostolice auctoritate et dioecesani episcopi canonica iusticia Si qua igitur in futurum ecclesiastica secularisue persona hanc nostre constitutionis paginam sciens contra eam temere venire temptauerit secundo tertioue commonita nisi reatum suum congrua satisfactione correxerit potestatis honorisque sui dignitate careat reamque se diuino judicio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jhesu Christi aliena fiat atque in extremo examine districte vltioni subiaceat cunctis autem eidem loco sua iura seruantibus sit pax Domini nostri Jhesu Christi quatenus et hic fructum bone actionis percipiant et apud districtum judicem premia eterne pacis inueniant Amen Sanctus Petrus Sanctus Paulus Alexander Papa Tertius Ego Alexander catholice ecclesie episcopus Ego Subaldus Hostiensis episcopus Ego Barnardus Portuensis et Sancte Rufine episcopus Ego Gralterius Albanensis episcopus Ego Jacinctus diaconus cardinalis Sancti Martini in Cosmidyne Ego Odo diaconus cardinalis Sancti Nicholaii in carcere Tulliano Ego Boso diaconus cardinalis Sanctorum Cosmi et Damiani Ego Curchyus diaconus cardinalis Sancti Adriani Ego Petrus diaconus cardinalis Sancti Eustachii juxta templum Agrippe Ego Manfredus diaconus cardinalis Sancti Georgei ad Velum Aureum Ego Arbaldus presbiter cardinalis Sancte Crucis in Ierosolyma Ego Henricus presbiter sanctorum Nerei et Archillei Ego Johannes presbiter cardinalis Sancte Anastasie Ego Albertus presbiter cardinalis Sancti Laurenti in Lucina Ego Guilielmus Sancti Petri ad uincula presbiter cardinalis Datum Seniensi per manum Harmanni Sancte Romane ecclesie subdiaconi et notarii nonis Decembris indictione decima tertia incarnationis Dominice anno millesimo centesimo sexagesimo quarto pontificatus domini Alexandri pape tertii anno sexto