Charter Document - 07280015
| Charter Number: | 07280015 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1214 - 1225 |
| Date type: | Assigned |
| Resource Link(s): |
People of Medieval Scotland |
Charter:
Hugo Dei gracia Dunkeldensis episcopus omnibus sancte matris ecclesie filiis eternam in Domino salutem Cum non tantum plantare sacram religionem verum eciam plantatam fouere omnibus modis debeamus vt subsequens gracia Christi incrementum tribuat et augmentum notum sit vniuersitati vestre nos concessisse ecclesiam de Alueth ecclesie sancte Marie de Striueling et canonicis ibidem Deo seruientibus regulam sancti Augustini professis quam ecclesiam pie memorie Richardus et Johannes predecessores nostri eis caritatiue contulerunt nos autem eorundem canonicorum tenuitati et paupertati compacientes et predictam donationem ratam habentes eandem benignius interpretantes concedimus et volumus vt iidem canonici fructus eiusdem ecclesie ad vsus proprios secundum quod sibi melius expedire viderint valeant convertere presentabunt eciam eidem canonici nobis et successoribus nostris capellanos qui pro tempore eidem ecclesie deseruient nobis et successoribus nostris de plebis cura respondeant ipsis vero de temporalibus si maluerint rationem reddant competentem saluis episcopalibus hiis testibus magistro Hugone archidiacono Dunkeldensi magistro Willelmo de Edenam magistro Richardo de Raparlaw Barnardo capellano de Kergill magistro Johanne de Hetun et multis aliis