Charter Document - 07280014
| Charter Number: | 07280014 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1273 - 1274 |
| Date type: | Assigned |
| Resource Link(s): |
People of Medieval Scotland |
Charter:
Omnibus Cristi fidelibus hoc scriptum visuris vel audituris Alexander dominus de Striueling miles salutem eternam in Domino Noueritis me diuine pietatis intuitu et pro salute anime mee et antecessorum et successorum meorum dedisse concessisse et hac presenti carta mea confirmasse Deo et beate Marie et sancto Seruano et ecclesie sancti Seruani de Alueth inperpetuum pro me et heredibus meis vnam acram terre cum pertinenciis suis in villa de Alueth illam videlicet que jacet propinquior fonti sancti Seruani inter ipsum fontem et ecclesiam cum libero introitu et exitu Tenendam et habendam libere et quiete in liberam puram et perpetuam elemosinam omnibus rectoribus dicte ecclesie qui pro tempore fuerint in dotem ipsius ecclesie adeo libere quiete et honorifice sicut dos alicuius ecclesie liberius quietius et honorificentius teneri poterit vel possideri Ego vero et heredes mei dictam acram terre cum pertinenciis suis et libertatibus vt predictum est eidem ecclesie et eius rectoribus contra omnes homines et feminas warantizabimus inperpetuum acquietabimus et defendemus Et vt ista donatio mea perpetue firmitatis robur obtineat presens scriptum sigilli mei impressione roboraui testibus domino Roberto Dei gracia episcopo Dunblanensi qui dictam ecclesiam die dominica proxima post festum sancte Scolastice virginis anno gracie millesimo ducentesimo septuagesimo secundo me personaliter ecclesiam dotatne dedicauit magistro Thoma decano magistris Richardo et Johanne de Roglyn canonicis Dunblanensibus domino Patricio de Grahame Johanne filio meo primogenito Ricardo de Trippeneth Henrico filio Roberti de Striuelin et aliis