Charter Document - 07280013
| Charter Number: | 07280013 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1260 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Cristi fidelibus ad quos presens scriptum peruenerit Richardus Dei gracia episcopus Dunkeldensis eternam in Domino salutem Nouerit uniuersitas vestra nos virorum religiosorum abbatis et conuentus de Cambuskynneth paupertati compacientes de communi consensu decani et capituli nostri Dunkeldensis concessisse eisdem caritatis intuitu vt in ecclesia sua de Alueth propter eius tenuitatem possint libere deseruire sine compulsione vicarii faciendi per ydoneum capellanum nobis et successoribus nostris pro tempore inperpetuum presentandum saluis nobis et successoribus nostris episcopalibus sicut dicta ecclesia antiquitus facere consueuit Vt autem ista concessio nostra perpetue firmitatis robur obtineat sigillum nostrum vnacum sigillo capituli nostri Dunkeldensis presenti scripto fecimus apponi Datum apud Dunkeld die Veneris proximo post festum Omnium Sanctorum anno gracie millesimo ducentesimo sexagesimo teste capitulo