Charter Document - 07280007
| Charter Number: | 07280007 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Lay |
| Charter Type(s): | Memorandum |
| Date: | 1295 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Memorandum quod die Dominica proxima post festum beati Michaelis archangeli anno Domini millesimo ducentesimo nonagesimo quinto Henricus de Freslay dominus de Arryngrosk et de Fourgy in presencia archidiaconi domini de Guthilgurdy Monathe Macalpy Haldany iudicis et Ade de Petillok dedit saisinam molendini de Arryngrosk cum duabus acris terre iuxta dictum molendinum domino Patricio abbati de Cambuskynneth nomine suo et conuentus sui et ipsum abbatem in corporalem possessionem misit Quod quidem molendinum cum predictis duabus acris dictus Henricus prefatis religiosis in puram et perpetuam elemosinam ex sua mera liberalitate concessit et donauit prout carta inde confecta sigillo dicti donatoris signata plenius testatur In cuius rei testimonium presentibus sigillum predicti Henrici predicti molendini donatoris vnacum sigillis predictorum testium videlicet archidiaconi domini de Guthilgurdy Monathe Macalpy Haldany iudicis et Ade de Petillok est appensum Datum apud Arryngrosk die et anno supradictis