Charter Document - 07280004
| Charter Number: | 07280004 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1282 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Cristi fidelibus presens scriptum visuris vel audituris Johannes Dei gracia prior cathedralis ecclesie Sancti andree et eiusdem loci conuentus eternam in Domino salutem nouerit vniuersitas vestra nos communi assensu et consensu capituli nostri confirmasse illam donacionem quam Gilbertus dominus de Fourgy dedit et concessit in puram et perpetuam elemosinam Deo et ecclesie beate Marie de Cambuskynneth et canonicis ibidem Deo seruientibus et inperpetuum seruituris Illam scilicet partem terre que fuit Ledereth que jacet propinquior domui que nunc est sacerdotis in territorio de Arryngrosk vnacum jure patronatus ecclesie de Arryngrosk Quam quidem donationem vnacum jure patronatus ecclesie prefate dicto monasterio vt supradictum est venerabilis pater Willelmus Dei gracia episcopus Sancti Andree autoritate pontificali confirmauit Preterea cum idem episcopus paupertati dicti monasterii compaciens concesserit inperpetuum pro se et successoribus suis diuine pietatis intuitu ut rectore eiusdem ecclesie de Arryngrosk qui nunc est cedente vel decedente omnis fructus et prouentus predicte ecclesie cedant canonicis dicti monasterii in proprios vsus inperpetuum saluo in omnibus jure dioecesano eandem concessionem vnanimi consensu confirmamus In cujus rei testimonium presenti scripto commune sigillum capituli nostri fecimus apponi datum apud Sanctum Andream die Lune proxima post festum translationis Sancti Augustini episcopi anno gracie millesimo ducentesimo octogesimo secundo