Charter Document - 07280003
| Charter Number: | 07280003 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1282 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Boldredus officialis domini Sancti andree dilecto sibi in Cristo decano Cristianitatis de Fyff et Fothrick salutem in Domino Cum Gilbertus dominus de Fourgy patronus ecclesie de Arringrosk diuine caritatis intuitu contulit et concessit ius patronatus dicte ecclesie de Arryngrosk abbati et conuentui de Cambuskynneth cum illa portiuncula terre que fuit Ledereth que jacet propinquior domui que nunc est sacerdotis inter ipsam domum et ecclesiam prefatam in liberam puram et perpetuam elemosinam et cum dominus Willelmus Sancti Andree episcopus dominus noster dictam concessionem auctoritate sua confirmauit et post cessionem vel decessum domini Radulfi de Synmerdisburn rectoris supradicte ecclesie dictis abbati et conuentui in proprios vsus concessit capituli sui ad id accedente consensu cum deliberatione et solemni tractatu in capitulo super hoc celebrato cumque dictus dominus Radulfus tunc temporis rector dicte ecclesie de Arryngrosk in presentia nostra constitutus personaliter non vi compulsus nec metu inductus nec prece nec precio sed pura et perpetua ac spontanea voluntate cessit omnimodo juri sibi competenti vel competitura in dicta ecclesia de Arryngrosk et dictam cessionem necnon et resignationem spontaneam instanciam dicti domini Radulfi admisimus vobis in virtute obediencie firmiter precipiendo mandamus quatenus adhibitis vobiscum duobus vel tribus capellanis vicinioribus ac instanti die Marcurii vel die Jouis sequenti dictam ecclesiam de Arryngrosk adeatis et predictum abbatem de Cambuskynneth nomine ecclesie sue in corporalem possessionem sepe dicte ecclesie de Arryngrosk inducatis seu instituatis et dictam institutionem de mandato nostro factam canonice defendatis et in signum mandati nostri ad plenum executi dicto abbati nomine sui conuentus presentes literas reddatis officii vestri apposito datum apud Sanctum Andream die Lune post festum Sancti Dionisii Martiris anno gracie millesimo octogesimo secundo