Charter Document - 07280001
| Charter Number: | 07280001 |
|---|---|
| Cartulary Title: | Registrum Monasterii Sancte Marie de Cambuskenneth, A.D. 1147-1535 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1281 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus ad quos presentes littere peruenerint Willelmus miseratione diuina ecclesie Sancti andree minister humilis salutem in Domino sempiternam Nouerint vniuersi nos concessisse et hoc presente scripto confirmasse illam donationem quam Gilbertus dominus de Fourgy dedit et concessit in puram et perpetuam elemosinam Deo et ecclesie beate Marie de Cambuskynneth et ibidem canonicis Deo seruientibus et inperpetuum seruituris illam scilicet partem terre que fuit Ledereth que jacet propinquior domui que nunc est sacerdotis in territorio de Arringrosk vnacum jure patronatus ecclesie de Arringrosk Preterea nos paupertati dicti monasterii compacientes concedimus inperpetuum pro nobis et successoribus nostris diuine pietatis intuitu ut rectore eiusdem ecclesie de Arryngrosk qui nunc est cedente vel decedente omnis fructus et prouentus predicte ecclesie cedant canonicis dicti monasterii in proprios vsus inperpetuum saluo in omnibus jure dyoecesano In cuius rei testimonium presentibus litteris sigillum nostrum apposuimus datum apud Wedall die Marcurii proxima post festum exaltationis sancte crucis anno gracie millesimo ducentesimo octogesimo primo hiis testibus domino Roberto Dei gracia episcopo Dunblanensi domino Waltero de Curry milite magistro Ricardo de Wontoun magistro Ricardo de Lanarc magistro Ricardo Kossard domino Roberto capellano et multis aliis