Charter Document - 07270411
| Charter Number: | 07270411 |
|---|---|
| Cartulary Title: | Registrum Episcopatus Brechinensis |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1218 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius Episcopus servus servorum Dei dilecto Episcopo Sancti Andree Presentate nobis dilectorum filiorum Capituli Brechinensis ecclesie litere continebant quod eorum ecclesia pastoris solatio destituta ipsi prout moris est conuenientes in unum Sancti Spiritus gratia inuocata dilectum filium Gregorium eiusdem ecclesie archidiaconum iurium scientia et moribus adornatum sibi elegerunt canonice et concorditer in pastorem Un de nobis humiliter supplicarunt ut eidem electo faceremus munus consecrationis impendi Nos igitur de discretione tua gerentes fiduciam pleniorem fraternitati tue per apostolica scripta mandamus quatinus de ipsius electionis modo eligentium studiis et electi meritis ueritate plenius inquisita si electionem ipsam inueneris de persona ydonea que tanto congruat oneri et honori canonice celebratam ipsam auctoritate nostra confirmes et adiunctis tibi duobus uel tribus conuicinis episcopis eidem Electo munus consecrationis impendas Datum Laterani xviii Kalendas Januarii Pontificatus nostri anno tertio