Charter Document - 07260006
| Charter Number: | 07260006 |
|---|---|
| Cartulary Title: | Registrum Episcopatus Brechinensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1310 |
| Date type: | Internal, Calendar, Regnal |
| Resource Link(s): |
|
Charter:
Robertus Dei gratia Rex Scottorum justiciariis vicecomitibus burgorum prepositis et eorum balliuis ceterisque ministris et fidelibus nostris ad quos presentes litere nostre peruenerint salutem Nolentes secuti nec debemus quod terre ecclesie Brechinensis que episcopo decano canonicis aut capellanis eiusdem ecclesie communiter aut diuisim in puram et perpetuam elemosinam sunt collate a diuersis fundatoribus et in feodatoribus suis quibuscunque qui seruicium nostrum facere tenentur pro eisdem ad predictum seruicium nostrum per quoscunque balliuos seu ministros de cetero compellantur vobis precipiendo mandamus quatenus quotienscunque seruicium nostrum de terris suis predictis debitum exigere vos contigerit ipsum seruicium a fundatoribus et in feodatoribus suis qui ad illud seruicium tenentur totaliter exigatis et eorum feoda capitalia si necesse fuerit pro dicto seruicio debite distringaris ita quod terre dictorum episcopi decani canonicorum et capellanorum et eorum possessiones ab huiusmodi oneribus et exactionibus libere sint penitus atque quiete Firmiterque prohibemus ne quis ipsos episcopum decanum canonicos aut capellanos seu eorum aliquem homines suos seu eorum bona vel possessiones contra presentium literarum nostrarum tenorem ali qualiter grauare seu vexare presumat super nostram plenarium foris facturam et si quid ab eiis in premissis exactum vel eiis iniuriatum fuerit id sibi restitui corrigi et reformari faciatis quotiens cunque et quandocunque rationabiliter per ipsos vel ipsorum aliquem fueritis requisiti In cuius rei testimonium has literas nostras vobis ostendendas et penes ipsam ecclesiam perpetuo remansuras sibi fieri fecimus patentes Apud Brechine quarto die Decembris anno regni nostri quarto